“二零零八年，可能是最最困难的一年……”

朋友帮帮忙，侬领行情伐啦？二零零九年，好好叫比二零零八年“好白相”！我来刚把侬听听。

二零零八年，阿拉老板们听进了阿拉敬爱的总理的忠告，积极应对，广开源路。正好阿拉生意阿刚刚起步，加上阿拉各帮年轻的刚刚从学堂里厢出来的小八腊子阿争气，撒事体伐懂就晓得拼命组，想好好叫拼出一番事业，相信来改各公司有前途。结果生意老老好，阿帮零九年奠定了只老好的基础。

于是零八年，管外头一歇歇这家倒闭，一歇歇埃有家裁员，风声鹤唳，阿拉管阿拉红火。撒宁晓得伊拉资本主义老板门槛就是精，外头经济伐好嘛，阿拉阿要跟风确保稳健未雨绸缪。于是管那生意好，出政策要减成本花销——阿拉公司有啥成本花销额啦？就是从阿拉打工额身郎厢开刀咯？戆欧，伤士气！

零九年，果真生意越来越好，项目做不过来，而且塞是做了就要变霍金额项目。老板开心啊，客户一帮戆都刚撒阿拉就组撒，就差叫阿拉跳黄浦江了。搞得来下头一帮组事体的叫苦连天。老板还没觉着，结果眼睛一眨，一额宁要回自己国家了，一额宁刚吾想去新西兰农场当农民，还有几额宁么要么想出去读书，要么自己索性去大学教书，要么就索性“我不适合，再会”……哉伐？人家公司才是担心自己会不会被炒，阿拉是反过来额，争先恐后帮老板塞油娜拉。马上还有一帮宁要被发配去边疆，我伐晓得伊拉哪能想。别故少了阿拉地球照转，现在去寻100条狗困难，寻100额组事体额民工伐要特便当哦！

要吾刚正常来西，老板阿么办法，兵还么养好就要拉出去打仗（伊拉完全当阿拉民工来该养）。乃么各记再碰着一帮兄弟模子走特，军心更加涣散。阿拉是彻彻底底理解个生意额本质，阿拉阿是尽尽心心来该组。侬看看叫现在还有几个年轻人像阿拉嘎敬业爱岗？公司清洁工每趟才轻声细语帮阿拉刚：“先生小姐，我夜班结束了，呐走了别忘了关灯……”年轻宁是要奋斗额，别故年轻宁阿是欢喜白相要享受生活额！再刚阿拉个能噶组，反而越来越看伐到将来了，阿拉经理额疯狂工作状态，是阿拉想要额伐？阿拉拿性命，好调得来钞票伐？阿拉迷茫了……

吾啊晓得老板么办法，现在队伍难带。别故老板侬表虚呀？OK，侬是拿一些项目交把其他国家的宁去做了，但是侬阿伐要刚出“我希望你们健康地工作，做项目要像马拉松一样，你们不要加班到深夜，不要休息天也加班”这种恶心的闲话额呀？侬一百八十度转弯阿拉吃不消。

两个大老板阿有点坐不牢，开始请阿拉吃咖啡寻阿拉吹牛皮。侬刚好谈出点啥结果？制度政策摆了埃米得，老板阿左右为难。我看到老板个能噶虚的的吓额，来各地写点算作打打腹稿。

伐好意思老是来该此地写工作，发牢骚。我已经没啥其他个人生活和思想自留地了。这些闲话阿不怕传到老板此地，大不了老板帮HR刚一句：“乃伊组特！”，我也好自由了。

年轻宁，心态要好！